Zyrtare, Wilder do të mbrojë titullin më 18 maj, ja rivali
March 8, 2019
0 comments
Share

Zyrtare, Wilder do të mbrojë titullin më 18 maj, ja rivali

Kampioni i botës në peshën e rëndë, boksieri amerikan Deontay Wilder, do të duelojë më 18 maj ndaj patriotit të tij Dominic Breazeale. Dueli është zyrtarizuar sot nga “Showtime”, kompania që do të organizojë këtë sfidë, e cila do të zhvillohet në “Madison Square Garden” të Nju Jorkut. Wilder, 40 fitore e 1 barazim, do të mbrojë titullin e kategorisë WBC, ndërkohë që mësohet se atij i janë ofruar 12.5 milionë dollarë.

Posteri i duelit Wilder vs Breazeale

Kjo do të jetë një sfidë PPV (pay per view-paguaj për ta parë), por vështirë se kjo përballje do të kalojë shifrën e 320 mijë shitjeve që dhuroi dueli Wilder-Fury, zhvilluar në dhjetor. “Unë jam i lumtur që më jepet kjo mundësi dhe do t’i tregoj Wilder se nuk do të jetë një sfidë e lehtë për të. Ky është një shans i artë, kam vite që e pres këtë mundësi dhe nuk do ta çoj atë dëm”, u shpreh Breazeale, 20 fitore e 1 humbje në karrierë.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *