UFC më në fund shkon në Rusi më 15 shtator
UFC më në fund do të bëjë debutimin e shumëpritur në Rusi më 15 shtator, 2018 në stadiumin Olimpik të Moskës, një e shtunë që me siguri do të jetë e mbushur me sfida tërheqëse.
Por thuhet se kampioni aktual i peshës së lehtë Khabib Nurmagomedov nuk do të marrë pjesë, pasi ai po ruhet për një sfidë më fitimprurëse, me shumë mundësi në Madison Square Garden.
Kërkesa e tifozëve për një event të UFC në Rusi ka qenë e madhe, dhe tashmë edhe Ultimate Fighting Championship e ka kuptuar potencialin e tregut rus, dhe mesa duket kanë gjetur kohën e përsosur për të zhvilluar një mbrëmje lufte.
Planet e transmetimit nuk janë zbuluar akoma. Po ashtu as sfidat e mbrëmjes nuk janë konfirmuar, pritet që në muajt e ardhshëm të merret vesh më shumë.