Turneu për fëmijë në Bullgari, Alili i pari, Ramadani i treti
Në turneun prestigjioz për fëmijë, dhe të vetmin të kësaj grupmoshe zyrtarisht në kalendarin vjetor të Federatës Ndërkombëtare në Mundje (UWW), “Zlati Dinev Roydev”, mundësi I Lirisë, Besir Alili, arriti të shpallet kampion, duke fituar medaljen e artë në kategorinë deri me 44 kg.
Në finalen e madhe të kësaj kategorie, Alili ishte i shkëlqyeshëm ndaj medalistit të bronzte nga europiani i fundit për fëmijë, Giorgi Gogritciani nga Gjeorgjia, të cilin arriti ta mposhtë pas një beteje të vërtetë.
Për Besir Alilinë është ky një sukses tjetër i madh dhe paralajmërim për sukseset që e presin gjatë këtij viti dhe në të ardhmen.
Lajm tjetër i mirë për Lirinë është edhe medalja e bronztë e fituar nga Muhamed Ramadani në kategorinë deri më 85 kg. Ai gjatë ditës së sotme në garat e repasazhit arriti të fitoj dy kundërshtarë bullgarë dhe me këte e fitoj medaljen e bronztë në këtë turne prestigjioz.
