Shpërblehen xhudistët që fituan në Izrael
July 19, 2018
0 comments
Share

Shpërblehen xhudistët që fituan në Izrael

Ministri i Kulturës, Rinise dhe Sportit, Kujtim Gashi, do të vizitojë Federatën e Xhudos në Pejë ku në një ceremoni të organizuar do t’u ndajë ceqet xhudisteve Nora Gjakova në vlerë prej 20 mijë euro, për fitoren e medaljes së artë në Kampionatin Evropian që është mbajtur në prill të këtij viti në Izrael dhe Distria Krasniqi në vlerë prej 14 mijë euro, për fitoren e medaljes së argjendtë.

Kurse, trajneri Driton Kuka do të shpërblehet me 14 mijë euro si trajner i dy xhudisteve që janë kurorëzuar me medalje në këtë kampionat.

Sipas njoftimit të Ministrisë së Kulturës, në kuadër të kësaj vizite do të diskutohet për ecurinë e procesit për ndërtimin e Qendrës Nacionale të Xhudos në Pejë.

Ministri Gashi  gjithashtu do ta vizitojë edhe Parkun Arkeologjik Ulpiana, ku do të njoftohet me ecurinë e punimeve që po ndërmerren nga Instituti Arkeologjik, punime tjera në bashkëpunim me  L’Ecole Normale Superiore –Paris (Universitet me karakter shkencor, kulturor dhe profesional ) dhe Universitetin e Prishtinës, sipas marrëveshjes se nënshkruar vitin e kaluar.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *