Sherif Gafuri, talenti që po lind tek KK “Fati”
Tek KK Fati nga Tetova po lind edhe një yll i ri i karatesë. Bëhet fjalë për Sherif Gafurin, një djalosh 13 vjeçar i cili për momentin posedon brezin e gjelbër. Ai deri tani ka marr pjesë në shumë gara sportive, ku prej tyre ka 7 vende të para, 5 vende te dyta dhe 3 vende te treta.
Ai poashtu ka marr pjesë edhe në kampionatin e Maqedonisë ku ka dal edhe kampion. Këtë titull ai shpreson që të merr sërish sivjet.
“Po përgatitem maksimalisht për të fituar në kampionatin e Maqedonisë ku në program është në fund të muajit. Po përgatitem maksimalisht me trajnerin tim, Arlind Hyseini dhe besoj se me sukses do të kualifikohem edhe për kampionatin ballkanik që muajin e ardhshëm zhvillohet në Turqi”, tha djaloshi i talentuar.
Ndryshe, ai gjatë fundjavës mori pjesë edhe në turneun në Kërçovë ku arrit të fitoj medaljen e argjend.
