Pulev insiston se nuk do të lëshojë rrugën për meçin Joshua – Fury
May 20, 2020
0 comments
Share

Pulev insiston se nuk do të lëshojë rrugën për meçin Joshua – Fury

Boksieri bullgar Kubrat Pulev thotë se nuk do të lëshojë rrugën për të lejuar zhvillimin e meçit Anthony Joshua – Tyson Fury.

Pulev është kundërshtar i detyrueshëm i Joshuas, sipas versionit IBF. Meçi mes tyre ishte paraparë të mbahej më 20 qershor, por u shty shkaku i pandemisë.

Është raportuar se Pulevi do të paguhet nga tabori i Joshuas për të lëshuar rrugë, në mënyrë që britaniku të ndeshet me Tyson Furyn, në meçin për unifikimin e gjithë titujve më të mëdhenj të peshës së rëndë në boksin profesionist.

“Nuk e kuptoj pse ende po e shtyjmë në vend se të caktojmë një datë, arenë dhe të nisim punën? Mjaft më. Mezi po pres këtë meç“, ka thënë Pulev, shkruan BBC. “Unë e shoh se si njerëzit po frikësohen nga unë dhe po mundohen që të ndeshen me dikë tjetër para meje. Një kampion i vërtetë nuk duhet të sillet në këtë mënyrë”.

Pulev fillimisht ishte paraparë të ndeshej me Joshuan në vitin 2017, por u tërhoq shkaku i një lëndimi.

Joshua ka në pronë titujt IBF, WBA dhe WBO, ndërsa Fury titullin WBC të cilin e fitoi duke e mposhtur në shkurt amerikanin Deontay Wilder.

Pulev thotë se njëherë lëshoj pe për rimeçin e Joshuas me Andy Ruiz Jr në dhjetor.

“Unë e bëra këtë një herë për Joshuan, që ai të kishte meçin e dytë me Ruiz Jr. Çdo gjë ishte kundër rregulloreve të IBF-it, por unë u pajtova. Ka kaluar një vit dhe gjithmonë kanë arsye për të shtyrë, që të evitojnë përballjen me mua. Janë dy opsione – të ndeshet me mua apo të lëshojë titullin IBF”, ka thënë Pulev.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *