Lomachenko e Bedraza sfidë për unifikimin e titujve kampionë

Fillimisht ishte planifikuar që dueli të zhvillohej më 1 dhjetor, por organizatorët vendosën ta shtyjnë atë me një javë. Dy boksierë të fortë dhe që pritet të zhvillojnë një përballje të bukur me 12 raunde në ring. Promotori Bob Arum që ka organizuar këtë event tha: “Lomachenko konsiderohet favorit, por Bedraza ka mundësinë që t’i japë ukrainasit një leksion të mirë, pasi mund t’i shkaktojë atij shumë telashe në ring. Ka për të qenë një duel i madh”.

Vasyl Lomachenko, 30 vjeç, është i njohur edhe për faktin se ai është fitues i medaljeve të arta olimpike në “Pekin 2008” (pesha pupël) dhe Londër 2012” (pesha e lehtë) para se të niste karrierën si boksier profesionist. Ndërsa Bedraza, 29 vjeç, është një boksier me përvojë në arenën ndërkombëtare, që e mbron për të dytën herë titullin kampion bote.