Limi Tairi pret triumfin e katërt në profesionalizëm
Limi Tairi, djaloshi me prejardhje nga Gostivari i cili jeton dhe vepron në Gjermani më 19 janar në Hannover tek eventi i madh “German Heroes Fight Night” do të zhvilloj ndeshjen e tij të katërt në boksin profesionist.
Për këtë aktivitet Tairi u shpreh se po përgatitet maksimalisht sepse pret fitoren e radhës. Cekim se Tairi është një boksier tani më me përvojë në boksin amator sepse ai ka zhvilluar deri tani 120 ndeshje, kurse suksesin e tij kërkon ta vazhdon edhe në profesionalizëm.
Me boks ka filluar qysh në moshën 9 vjeqare dhe ka stërvit në një klub serioz gjerman dhe me trajner profesionalist. Synimi i tij është që një ditë të ngjitet ne majat botërore duke u ndesh per ndonjë titull.
Agjencioni për sporte luftarake “ArenaRing” në ditët e ardhshme ka përgatit edhe një interviste ekskluzive me këtë profesionist që shumë shpejt pret edhe famën. Cekim se Tairi deri tani ka zhvilluar 3 ndeshje profesionale ku prej tyre ka vetëm fitore dhe 2 me K.O.