Lama e starton vitin me një turne të fuqishëm në Bullgari
Boksieri më i mirë i Maqedonisë për vitin 2018, Jasin Lama, do të startoj vitin e ri me një turne mjaft të fuqishëm ndërkombëtar që do të zhvillohet nga 13 deri 20 shkurt në Bullgari, ‘Stranxhata Kup’.
Lama anëtarë i KB “Çair” është një ndër boksierët më të mirë të vendit, një gjë që e dëshmoi edhe vitin që lamë pas, duke fituar në disa turne të fuqishme si dhe duke marr tituj si bokseri më i mirë por edhe më luftarak në evente si “Adem Jashari” në Mitrovicë, Vllaznia nga Shkodra si dhe “Gongu i Artë” në Shkup. Vlen të theksohet se boksieri shqiptar 2018 mori pjesë edhe në Evropianin e boksit për U22 dhe po i njëjti është kandidat kryesor që edhe këtë vit të paraqitet në një event të tillë ku pret edhe suksese të reja, transmeton portali pwr sporte luftarake “ArenaRing”.
