Diaz provokon McGregor: Ka frikë nga jeta e tij
April 17, 2018
0 comments
Share

Diaz provokon McGregor: Ka frikë nga jeta e tij

Nate Diaz shpreson ende që një ditë do ta zhvillojë përballjen e tretë me Conor McGregor, një duel që ka më shumë se 2 vjet që përflitet, por ende nuk ka ndodhur. Secili nga sportistët ka fituar nga një prej dueleve të zhvilluara, por ende nuk është përcaktuar se kush është më i miri. Duke folur për televizionin “TMZ”, kampioni amerikan u shpreh se rivali irlandez “ka frikë nga jeta e tij, ndaj nuk pranon të zhvillojë një duel me mua”.

Kohët e fundit është përfolur për një duel mes McGregor dhe Khabib Nurmagomedov, me irlandezin që kërkon të rimarë titullin kampion bote në peshën e lehtë, titull i cili iu hoq, pasi nuk e mbrojti asnjëherë. Edhe Diaz, nuk është ngjitur më në kafaz që prej përballjes së dytë ndaj McGregor, në eventin e UFC-202, në vitin 2016 dhe ka deklaruar se këtë vit do të rikthehet në octagon.

Përballja e tretë mes McGregor dhe Nate Diaz është një sfidë që e dëshirojnë edhe fansat e arteve marciale mikse, por ende nuk është rënë dakord nga palët për këtë duel, ndërkohë edhe presidenti i UFC-së, Dana White, nuk ka nisur bisedimet me palët.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *