ARSYET SE PËRSE SHPINA JUAJ VAZHDON T’JU DHEMBË – DHE ÇFARË DUHET Ë BËNI
January 25, 2019
0 comments
Share

ARSYET SE PËRSE SHPINA JUAJ VAZHDON T’JU DHEMBË – DHE ÇFARË DUHET Ë BËNI

Ngjitësit e nxehtë, anti-inflamatorët dhe pushim nga aktivitetet tuaja të preferuara: Dhimbjet e shpinës mbartin pasoja që janë shumë shkatërruese, sidomos kur jeni mësuar me të qënurit aktivë.

Akoma më keq, edhe gjërat më normale që bëni çdo ditë e që as nuk u shkon mendja, mund të kenë një impakt domethënës në shëndetin e shpinës suaj. Qoftë nëse jeni duke përjetuar një dhimbje shpine apo thjesht doni ta parandaloni, hidhini një sy treguesve më të zakonshëm, për të kuptuar atë çka shpina juaj po përpiqet t’ju thotë.

 

Shpina juaj nuk është e mbështetur

Nëse jeni një vrapues dhe përjetoni një dhimbje të bezdishme në pjesën e fundshpinës, kur akoma jeni në gjysmën e vrapit tuaj, ndaloni përpara se të bëni me faj shpinën. Në vend të kësaj, bëni një inventor të muskujve ndihmës rreth muskujve të trungut tuaj (core), ijeve, glutes dhe hamstrings dhe kontrolloni se si po i trajnoni ato, në mënyrë që pesah e fajit të peshojë njësoj.

Me pak fjalë, këto muskuj sigurojnë mbështetje dhe stabilitet kur ju vraponi, duke bërë që trupit juaj të qëndrojë në një linjë të shëndetshme. Megjithatë, pa ndihmën e trajnimit të kryqëzuar (cross-training), ato nuk e bëjnë dot si duhet punën e tyre. Këto muskuj të papërdorur ju detyrojnë që të vareni më shumë tek muskujt quads (të kofshës para) dhe në fleksorët e ijeve, duke e lënë shpinën pa mbështetjen e duhur. Nëse e gjeni veten këtu në këtë pike, përpiqunu që të përfshini ushtrime që forcojnë muskujt e trnungut tuaj (core), si planks dhe variacione të tij. Disa ushtrime do t’ju detyrojnë të zhvilloni glutes më të forte si bridges dhe leg lifts. Gjithashtu është e rëndësishme që të paktën një ditë në javë të rezervoni për trajnim të kryqëzuar. Noti, ngjitja apo trajnimi i forcës janë opsiona fantatsike.

 

Teknika juaj është e dobët

Të ngresh pesha është një mënyrë shumë e mirë për të ndërtuar force e derdhur djersë. Megjithatë, ngritja jo korrekte e peshës shkakton dëmtime në muskujt dhe kyçet tuaja, të cilat shpien më pas në dëmtime kronike dhe sigurisht edhe në dhimbje shpine.

Ushtrimet e zakonshme si squats, lunges dhe deadlifts të gjithë kërkojnë një vëmendje të veçantë të formës, gjithashtu edhe muskuj të forte të trungut (core). Nëse ju gjatë këtyre ushtrimeve vareni vetëm tek shpina juaj, kur muskujt e vitheve (glutes) dhe ato core nuk janë të angazhuar, me shumë gjasa do të keni pasoja. Bëni çmos që të mësoni formën korrekte të këtyre ushtrimeve dhe nëse keni dyshime, gjithmonë merrni mendimin e një profesionisti.

Nëse e keni një rutinë të rregullt në ngritjen e peshave, një rrip peshe mund t’ju ndihmonte për të parandaluar dëmtimet në shpinë – sigurisht nëse përdoret si duhet. Këto lloj rripash inkurajojnë qëndrueshmëri duke u dhënë abdominaleve tuaj diçka ku ato të shtyjnë kundra, ndërkohë që ju ngrini peshën, sidomos gjatë ngritjeve të peshës sipër kokës dhe ngritjeve me force maksimale. Duke qenë se këta rripa janë bërë me qëllimin për të stabilizuar shtyllën kurrizore, kini kujdes që t’i evitoni së përdoruri në ato ushtrime ku kërkohet që shpina juaj të përthyhet.

 

Dysheku juaj i gjumit ka mbaruar

Man sitting on bed with backache

Edhe pse dhimbja e shpinës ju prek më shumë, kur ju jeni në lëvizje e kur stërviteni, vetë ushtrimet nuk janë gjithmonë fajtori kryesor. Ju shpenzoni 7-9 orë çdo natë në shtratin tuaj dhe dysheku është kryesor, pasi ai mund të jetë burimi i dhimbjeve të bezhdishme të shpinës. A e dinit se ekspertët sygjerojnë që ju ta ndërroni dyshekun çdo 8 vjet, minimum? Ka shumë mundësi që dysheku juaj ka dale në pension. Nëse akoma nuk jeni gati financiarisht për të bërë një investim në një dyshek të ri, blerja e një shtrese që vihet sipër dyshekut mund të jetë një alternativë më pak e kushtueshme. Nëse vendosni për ta zëvendësuar dyshekun, atëherë flisni me një ekspert të fushës në mënyrë që të merrni dyshekun, që është i sigurtë mjaftueshëm për të suportuar formën e trupit tuaj dhe fleksible mjaftueshëm për një natë të qetë gjumi. Një gjë e tillë mund të bëjë një ndryshim shumë të madh.

 

Nuk bëni stretch mjaftueshëm

Jeta jonë frenetike na lë gjithmonë e më pak kohë mes punës dhe stërvitjes, që do të thotë se ju mund të rrini ulur gjithë ditën, bëni një seancë të shkurtër stërvitore e më pas uleni sërish. Ndërkohë që ju nuk mund të ndryshoni jetën tuaj në mënyrë radikale, vetëm e vetëm për të parandaluar dhimbjen e shpinës, ju mund të merrni nën kontroll mënyrën se si ju e ndihmoni trupin tuaj të qëndrojë i shëndetshëm, kur keni dhimbje apo kur keni më shumë ditë pa lëvizje.

Edhe pse ndoshta nuk arrini dot të bëni një klasë joga ashtu si duhet, disa ushtrime të thjeshta joge do t’ju ndihmonin të qetësonit muskujt e tendosur, kështu parandaloni ato dhimbjet bezdisëse. Ngurtësimi i muskujve, gjë që ndodh kur ju rrini ulur gjithë ditën ose nuk bëni një stretch të mirë, shpeshherë shkaktojnë dhimbje të luhatshme. Hamstrings të ngurtësuar dhe fleksorë të ijeve pas një vrapi të fuqishëm mund të çojnë në një fundshpinë të ngurtësuar, me dhimbje nëse nuk paraprihet. Kujdesja e trupit si një i tërë, e jo vetëm në grup-muskuj të izoluar, do t’ju jape një mundësi më të mirë, për të pasur një shëndet më afat-gjatë të shpinës suaj.

Dhimbja e shpinës mund të ndryshojë rrënjësisht mënyrën tuaj të jetesës dhe ta trajtosh atë kur ka “shpërthyer” duhet shumë më tepër punë e mund, se vetëm disa ushtrime stretch. Qëndroni të informuar rreth gjërave që shkaktojnë dhimbjen e shpinës dhe mënyrave se si ta parandaloni në të ardhmen – shpina juaj do t’ju falenderojë me kohën.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *