Arrihet marrëveshja, dy kampionë bote në ring më 20 korrik
April 25, 2019
0 comments
Share

Arrihet marrëveshja, dy kampionë bote në ring më 20 korrik

Boksierët Manny Pacquiao dhe Keith Thurman do të duelojnë mes tyre më 20 korrik në Las Vegas. Lajmi ende nuk është zyrtar, por mediat amerikane deklarojnë se marrëveshja është arritur dhe së shpejti do të bëhet publike. Bëhet fjalë për dy kampionë bote, që do të kryqëzojnë dorezat në peshën “welter” (pesha 63-67kg).

Pacquiao, 61, fitore, 7 humbje dhe 2 duele barazim, mban titullin kampion të kategorisë WBA. Ndërsa Thurman, 29 fitore, asnjë humbje dhe 1 barazim, mban titullin e e kategorisë WBA Super. Një përballje që konsiderohet si sfida më e rëndësishmë e kësaj vere deri më tani.

40-vjeçari filipinas Manny Pacquiao vjen nga sfida ndaj Adrien Broner zhvilluar në janar të këtij viti, ku fitoi me vendim unanim të gjyqtarëve. Edhe Thurman, 10 vjet më i ri, për herë të fundit ka dueluar në janar të këtij viti, kur mposhti me vendim shumice Josesito Lopez.

Comments

No Comments Yet! You can be first to comment this post!

Write comment

Your data will be safe! Your e-mail address will not be published. Also other data will not be shared with third person. Required fields marked as *