4 MITE QË ÇDO I FIKSUAR PAS KARDIOS DUHET MOS T’U BESOJË MË
Kujdes të gjithë ju të fiksuarit pas kardios: Mënyra që keni zgjedhur për t’u djersitur mund të jetë pikërisht ajo që qëndron në mes jush dhe qëllimit tuaj për të rënë në peshë.
A e keni zakon të shpenzoni gjithë kohën tuaj në palestër hip e zbrit në pistën e vrapit, biciklete apo në Cross Trainer? Nëse po, atëherë duhet t’i hiqni menjëherë këto 4 mite shumë të zakonshme të Kardios:
MIT: Kardio është shumë më i rëndësishëm se Trajnimi i Forcës për rënie në peshë
Minutë për minutë ju ndoshta mund të digjni më shumë kalori në Cross Trainer, se në zonën e peshave, por ato kalori do të vijnë prej karbohidrateve, yndyrnave dhe proteinave – apo jo, pra guri ndërtues i muskujve. Dhe nuk besojmë që doni të humbisni muskujt nëse qëllimi juaj është të ulni përqindjen e dhjamit.
Akoma më shumë, menjëherë sa përfundoni seancën tuaj të kardios, ndalon edhe djegia e kalorive. Kjo gjë nuk ndodh në trajnimin e forces. Pas një seance force, trupit tuaj i duhet të punojë jo vetëm për të riparuar dhe rritur muskujt, por edhe për të rikthyer nivelin e enzimave dhe lëndëve të tjera kimike të trupit në gjendjen normale. Ky proçes rrit djegien e kalorive, madje edhe në gjendje qetësie, deri në 72 orë pasi ju keni lënë palestrën, kjo sipas një kërkimi të publikuar në Gazetën Europiane të Fiziologjisë së Aplikuar. Përpos kësaj, në këndvështrimin afat-gjatë, të ndërtuarit – dhe jo të djegurit – muskuj, është mënyra numër një për të rritur shkallën e metabolizmit.
Ja, pse në vitin 2015, nga një studim i bërë në Harvard T.H. Chan School of Public Health, meshkujt të cilët bënë trajnim force rezultuan me më pak dhjam në bel, se ata që bënë të njëjtën sasi kardio.
MIT: Vrapi dhe biçikleta janë sa dyfishi i seancave të forcës për pjesën e poshtme të trupit.
Jo, jo, jo. Janë dy forma trajnimi krejtësisht të ndryshme. Edhe nëpërmjet vrapit dhe biçikletës ju punonin muskujt tuaj, ato kanë si shënjestër fibrat muskulorë që kontraktohen ngadalë, të cilët janë përgjegjës për rezistencën tuaj muskulare. Nga ana tjetër, trajnimi i forcës godet fibrat muskulorë që kontraktohen shpejt, fibrat që gjenerojnë fuqi, sidomos nëse po ngrini pesha të rënda, për një set me pak përsëritje.
Kjo do të thotë që kardio me rezistencë të rëndë nuk do ta eliminojë nevojën për seanca force për pjesën e poshtme të trupit. Për më tepër, nëse keni si qëllim që të bëni Triatlonin e parë 10km (triathlon, ka tre disiplina: vrap, not, biçikletë), kryerja e seancave stërvitore të forcës do t’ju ndihmojë në parandalimin e mosbalancimit muskulor dhe dëmtimeve. Ju keni nevojë si për forcën ashtu edhe për rezistencën (qëndrueshmërinë), për të dhënë një performance optimal dhe të shëndetshme.
MIT: Ju duhet të punoni në “zonën e djegies së yndyrnave”.
Atëherë, nëse për një shëndet të përgjithshëm dhe atleticizëm, juve përsëri ju duhet të ndërthurni ca kardio në rutinën tuaj stërvitore dhe ju ndoshta e programoni pistën e vrapit në “zonën e djegies së yndyrnave”, apo jo?
Gabim.
“Zona e djegies së yndyrnave” bazohet në faktin se në intesitet të ulët ju digjni një përqindje më të lartë kalorish nga depozitat e yndyrnave kundrejt karbohidrateve të depozituara. Megjithatë ky fakt është shtrembëruar shumë shpesh.
Edhe pse do të digjni një sasi të madhe të kalorive tuaja nga yndyrnat duke u ushtruar me intensitet të ulët, ju gjithashtu do të digjni më pak kalori në total. Nëse doni të digjni më shumë kalori dhe yndyrna synoni për HIIT,Trajnim me Intervale me Intensitet të Lartë. Në një studim të bërë në Universitetin e Wisconsin –La Crosse, ata që ekzekutuan një seancë 20 minuta HIIT harxhuan 15 kalori në minute. Dhe kjo është sa dyfishi i asaj që mund të harxhoni në seancë me distance të gjatë.
MIT: Ju u besoni shumë ekraneve të makinerive, që paraqesin kaloritë e harxhuara.
Mos u besoni numrave që shihni në makineri. Në një eksperiment të bërë nga Universiteti i Kalifornisë në emisionin Good Morning America, makineritë eliptike (cross trainers) e mbivlerësonin harxhimin e kalorive të njerëzve me 42%. Ndërkohë që teknologjia e makinerive kardiovaskulare po zhvillohet vazhdimisht, shumë prej makinerive akoma nuk janë në gjendje të japin një vlerë unike të kalorive të harxhuara nga një person.
Për fat të mirë, kërkimet e publikuara në Mjekësia & Shkenca në Sport & Ushtrime ka shygjeruar që “gjurmuesit” e fitnesit (fitness trackers) japin vlera shumë më të përafërta.
Eshtë më mirë të bëni një investim për të blerë një paisje të tillë, se sa të gënjeni veten nga ekranet e makinerive.